Inson resurslari innovatsiyalari bo’yicha vazorat (인사혁신처) xodimlarning javobgarligi, shaffofligi va faollikka asoslangan davlat xizmati modelini yaratish maqsadida yangi yilgi ish rejasini e’lon qildi. Mazkur reja doirasida 9-bosqichli davlat xodimlarini qabul qilish imtihonlari bilim va yod olishga asoslangan tizimdan PSAT (davlat xodimiga moslik baholash) tizimiga o’tkazilmoqda. Shuningdek, 5-bosqichdagi xodimlarni erta martalarda lavozimga tayinlash tizimi joriy qilinadi.
Rejada davlat xodimlarini faollik bilan ishlashga rag’batlantirish, ularni ish vaqtida sodir bo’lishi mumkin bo’lgan halokatlar va boshqa xavfli vaziyatlardan himoya qilish, malakaga va natijaga asoslangan baholash tizimini yaratish hamda 2030-yilgacha Sejongda Markaziy qabul komissiyasini tashkil qilish ko’zda tutilmoqda. Bu esa davlat xizmati sohasida mutaxassislarning sifatini oshirishga xizmat qiladi.
Shaffoflikni ta’minlash maqsadida yuqori lavozimdagi davlat xodimlarining aktsiyalari bilan bog’liq faoliyatlar muntazam tekshiruvdan o’tkaziladi. Aksiyalarni sotish, bo’sh ishonchnomalar berish yoki lavozimdan foydalanish cheklovi buzilgani aniqlanganda maxsus tekshiruv o’tkaziladi. Shuningdek, jinsiy zo’ravonlik, treyderlik yoki boshqa noqonuniy harakatlarga oid jazolar 10 yilgacha uzaytiriladi. Xodimlarning mulkiy holati to’g’risida ma’lumotlarni berish talabi ham kengaytiriladi.
Davlat xizmati sohasida faol va ijodiy muhit yaratish uchun yosh xodimlarning ish sharoitlari yaxshilanadi. 9-bosqichli xodimlarning ish haqi 2027-yilga qadar 3 million vonnga yetkazilishi rejalashtirilgan. Ayrim toifadagi xodimlar uchun qo’shimcha ta’til hamda arzon kredit imkoniyatlari beriladi. 2030-yilga qadar ayol yuqori mansabdor xodimlar nisbati 20% gacha oshiriladi.