2020-yildan boshlab so’nggi 5 yil ichida muzli yo’llarda sodir bo’lgan avtotransport hodisalari 4112 ta bo’lib, ular natijasida 83 nafar odam vafot etgan va 6664 nafar odam jarohatlangan.
Ma’lumotlarga ko’ra, barcha hodisalarning 78% (3198 ta) 12- va 1-oylarda sodir bo’lgan. Ayniqsa, sovuq ob-havo va ishga borish vaqtida — ertalab soat 8:00 dan 10:00 gacha bo’lgan vaqt davomida 798 ta hodisa ro’y bergan.
Yo’lda yuzaga keladigan «qora muz» (Black ice) — yo’l yuzasi biroz nam bo’lib, sovuq havo ta’sirida muzga aylanadi. Bu turdagi muz ko’zga ko’rinmas bo’lgani uchun haydovchilar uchun xavfli hisoblanadi.
Shuning uchun ham haydovchilar sovuq mavsumda harakatlanishdan oldin ob-havo va yo’l sharoitini tekshirishlari, shuningdek, muzli yo’llarda harakatlanishda ehtiyotkor bo’lishlari tavsiya etiladi. Muzli yo’larda tormoz yo’li oddiy quruq yo’lga qaraganda 7 baravar uzun bo’lishi mumkin.