Janubiy Koreya hukumati noqonuniy spam xabarlarni blokirovka qilish maqsadida Koreya Telekommunikatsiya Operatorlari Assotsiatsiyasi (KTOA) hamda uchta mobil operator bilan hamkorlikda jo’natuvchi raqamlarni tekshirish va yaroqsiz raqamlardan kelgan xabarlarni blokirovka qilishga qaror qildi.
Fan, Texnologiyalar va Telekommunikatsiyalar vazirligi hamda KTOA 17-san’dan boshlab ‘Noqonuniy spam raqamlarini blokirovka qilish tizimini’ ishga tushirishini e’lon qildi. Bu tizim orqali jo’natilayotgan xabarlarning raqamlari real vaqtda tekshiriladi.
Ayni paytda noqonuniy spam xabarlarning ko’pchiligi bekor qilingan yoki hali ajratilmagan telefon raqamlari orqali yuborilmoqda. Bu esa oddiy noqulaylikdan tashqari, fising va smishing kabi jinoyatlar orqali iqtisodiy zararlarga ham olib kelmoqda.
Shuningdek, vazirlik 2023-yilning oktabr oyida chet eldan kelgan xabarlarga ham xuddi mahalliy operatorlar kabi qonuniy va texnik talablarni qo’llash bo’yicha me’yoriy hujjat ham chop etgan. Bundan tashqari, Google EFP texnologiyasini joriy qilib, foydalanuvchilarning qurilmalariga zararli dasturlar kirib kelmasligini ta’minlashga harakat qilinmoqda.