Transport va kommunikatsiya vaziri 18-aprelda modul binolar sohasini rivojlantirishni qo’llab-quvvatlash to’g’risida maxsus qonun loyihasi bo’yicha fikr-mulohazalarni eshitish uchun Qonunchilik palatasida majlis tashkil etishini e’lon qildi.
Modul binolar qurilish texnologiyasi – bu bino asosiy qismlarini zavod yoki boshqa joylarda oldindan tayyorlab, so’ng ularni faqat joyga o’rnatish orqali bino qurish usulidir. Bu usul odatiy qurilish usullari bilan solishtirganda 20-30% vaqt tejaydi va yuqori balandlikdagi ishlarda xavfsizlikni ta’minlaydi.
Shu bilan birga, hozirda modul qurilishga mos kelmaydigan qurilish me’yorlari va tartib-qoidalariga rioya qilish talabi sababli bu texnologiya keng tarqatilmayapti. Shu sababli hukumat modul qurilishni rag’batlantirish uchun maxsus qonun loyihasi orqali mos keladigan qonuniy tuzilmani yaratish va turli tartib-qoida imtiyozlarini berishni rejalashtirmoqda.
Maxsus qonun loyihasida modul qurilishga oid qonuniy ta’riflar, 5 yillik asosiy rivojlanish rejasini ishlab chiqish, yillik amalga oshirish rejasini belgilash hamda muhim masalalarni hal etish uchun maslahat komitetini tashkil qilish asosi hamda modul qurilishni rag’batlantirish hududlarini belgilash imkoniyati nazarda tutilgan.