Janubiy Koreya Mudofa vazirligi 18-sanada 10 ta aloqador vazirlik va tashkilotlardan kengash direktorlarining ishtirokida yadro quvvatli suv osti kemasi loyihasi bo’yicha hukumat vazirliklari hamkorligi qo’mitasi (TF) yig’ilishini tashkil etgan va kemani qurish uchun zarur bo’lgan omillar to’g’risida keng muhokama o’tkazilganini e’lon qildi.
Mazkur yig’ilishda Mudofa vazirligi, Rejalashtirish va moliya vazirligi, Xorijiy ishlar vazirligi, Yadro xavfsizligi komissiyasi, Iqlim, energiya va atrof-muhit vazirligi, Fan, texnologiyalar va aloqa vazirligi, Sanoat va savdo vazirligi, Qurolli kuchlar uchun buyurtmalar boshqarmasi, Birlashgan shtab va Bahriy kuchlar boshqarmasi kabi 10 ta vazirlik va tashkilotning kengash direktorlari qatnashdi.
Yadro quvvatli suv osti kemasi loyihasi bo’yicha hukumat vazirliklari hamkorligi qo’mitasi (TF) mazkur loyiha harbiy, diplomatik va xavfsizlik sohalariga ta’sir qiluvchi milliy strategik loyiha ekanligi sababli bir nechta vazirliklar ishtirokida tashkil etilgan.
Mudofa vazirligi keyingi bosqichda vazirliklar va tashkilotlar bilan yaqin hamkorlikda yadro quvvatli suv osti kemasi loyihasi doirasida turli masalalarni bosqichma-bosqich ko’rib chiqishni, shuningdek, TF faoliyatini doimiy va tizimli ravishda rivojlantirishni aytib o’tdi.