Koreya Respublikasi Birlashish vaziri o’rinbosari Kim Namjung 16-dekabr, seshanba kuni tushdan keyin Koreyada joylashgan elchilar va xalqaro tashkilotlar vakillarini siyosatni tushuntirish konferentsiyasiga taklif qildi.
Ushbu konferentsiya xalqaro hamjamiyatga 2025-yil Koreya yarim oroli va Janubiy-Koreya o’rtasidagi munosabatlar holati, 2026-yil hukumatining Shimoliy Koreyaga nisbatan siyosat yo’nalishini tushunishga yordam berish uchun tashkil etildi. Konferentsiyada Avstraliya, Shvetsiya, Yaponiya kabi 41 ta tashkilotdan elchilar va vakillar, xalqaro tashkilotlardan Xalqaro Qizil Xoch Qo’mitasi (ICRC) va UNICEF ishtirok etdi.
Kim Namjung tinchlikka erishish uchun ishonchni tiklash va to’xtatilgan muloqotni qayta tiklash zarurligini ta’kidlab, Janubiy-Koreya hukumatining tinchlik uchun oldindan ko’rilgan choralar va tinchlikni saqlashning uch tamoyilini tushuntirdi. Shuningdek, u xalqaro hamjamiyatdan Koreya yarim orolida tinchlikni saqlash yili bo’lishi uchun kelgusi yilda davomiy qiziqish va hamkorlikni so’radi.
Konferentsiyada ishtirok etgan elchilar Janubiy Koreya hukumatining Shimoliy Koreyaga nisbatan siyosatini tushunishga yordam berganini va hukumatning Koreya yarim orolida tinchlikni saqlashga bo’lgan harakatlarini qo’llab-quvvatlashlarini bildirdilar. Birlashish vazirligi muntazam ravishda Koreyada joylashgan elchilar va xalqaro tashkilotlar vakillarini siyosatni tushuntirish konferentsiyasiga taklif qilishda davom etadi va Koreya yarim orolida tinchlikni saqlash uchun xalqaro hamjamiyat bilan yaqin aloqada bo’ladi.