Prezident Lee Jae-myung 11-12 dekabr kunlari Sejong Konventsiya Markazida hukumat idoralari va tegishli tashkilotlarning ish hisobotlarini oldi. Ushbu ish hisobotlari Lee Jae-myung hukumatining 6 oylik faoliyatidan so’ng vazirlar mahkamasi siyosatini tezkor amalga oshirish uchun tashkil etildi va birinchi marta jonli efirda namoyish etildi, bu orqali hukumatning boshqaruv rejasini xalqga to’g’ridan-to’g’ri ko’rsatish maqsad qilingan.
Bugungi brifingda prezident hukumatning boshqaruv tamoyillarini asosiy xabarlar orqali ko’rib chiqdi. Prezident Lee Jae-myung boshqaruvning eng muhim qadriyatini mas’uliyatli boshqaruv deb atadi. U ijara firibgarligi qurbonlariga hukumat tomonidan ba’zi kompensatsiya to’lash va keyinchalik da’vo qilish rejasini ko’rib chiqishni buyurdi. Shuningdek, u byudjet yoki kadrlar yetishmasligi tufayli zarur ishlarni bajara olmaslikni qabul qilinmasligini ta’kidladi.
Prezident Lee adolatli boshqaruvni bir necha bor ta’kidladi. U jamiyatda odat tusiga kirgan nohaqliklardan voz kechishni buyurdi. Mehnat vazirligi hisobotida prezident doimiy va vaqtinchalik ishchilar o’rtasidagi kamsitishni tilga oldi. U eng past narxli tender amaliyotini muammoli deb topdi va tender jarayonida mahalliy kompaniyalar bilan hamkorlik qilish, ishchilar va yetkazib beruvchilar bilan hamkorlik qilish kabi omillarni baholashni buyurdi.
Prezident Lee turli idoralarga faol boshqaruvni buyurdi, ayniqsa xalqning hayoti va xavfsizligi bilan bog’liq ishlar bo’yicha. U Koreya Yo’l Korporatsiyasi hisobotida bir hududda takroriy avariyalar sodir bo’lishini qasddan yoki katta ehtiyotsizlik deb atadi va avariya sodir bo’lgan joylarda takrorlanmasligi uchun inshootlarni diqqat bilan boshqarishni buyurdi. Shuningdek, u bojxona idorasini giyohvand moddalarni nazorat qilishda sustkashlik qilgani uchun tanqid qildi va xalqning xavfsizligini ta’minlash uchun davlat hokimiyatining qonuniy harakatlarini ta’kidladi.