Prezident Li Jae Myong 11-12 dekabr kunlari Sejong Kongress markazida hukumat idoralari va ularning tarkibiy bo’linmalarining ish hisobotlarini qabul qildi. Ushbu ish hisobotlari Li Jae Myong hukumatining 6 oylik faoliyatidan so’ng kabinetning tezkor siyosat yuritishini ta’minlash uchun tashkil etildi va birinchi marta jonli efirda namoyish etildi.
Bugungi brifingda biz prezidentning asosiy xabarlarini ko’rib chiqamiz va hukumatning boshqaruv falsafasini tahlil qilamiz. Prezident Li Jae Myong boshqaruvning eng yuqori qadriyatini mas’uliyatli boshqaruv deb atadi va ijarachilarning firibgarlik qurbonlariga hukumat tomonidan avvalroq to’lovni amalga oshirish va keyinchalik qayta tiklashni ko’rib chiqishni buyurdi.
Prezident Li Jae Myong adolatli boshqaruvni bir necha bor ta’kidladi va jamiyatimizda ildiz otgan adolatsizliklardan qochishni buyurdi. U doimiy va vaqtinchalik ishchilar o’rtasidagi kamsitishni tanqid qildi va eng past narx bo’yicha tender amaliyotini muammoli deb atadi. Shuningdek, tender jarayonida jamoat manfaatlarini hisobga olishni buyurdi.
Prezident Li Jae Myong xalq hayoti va xavfsizligi bilan bog’liq ishlarda faol harakat qilishni buyurdi. U takroriy va jiddiy shaxsiy ma’lumotlarning sizib chiqishi uchun iqtisodiy sanksiyalarni kuchaytirishni buyurdi. Shuningdek, u davlat xizmatchilarini rag’batlantirdi va ularning kelajak avlodlar uchun mas’uliyat bilan ishlashiga ishonishini bildirdi.